O GDR MAIV - Miño, a través do seu xerente Marco e a técnica Eva, estiveron presentes no Programa de Formación en Financiamento Comunitario, organizado polo Fundación Galicia Europa en Bruxelas.

 

O director xeral de Relacións Exteriores e coa UE e director da Fundación Galicia Europa (FGE), Jesús Gamallo, inaugurou o programa de especialización en financiamento comunitario que durante unha semana formou en Bruxelas a máis de vinte profesionais de entidades públicas e privadas galegas. O programa contemplou unha formación especializada sobre o marco financeiro comunitario 2014-2020, ademais de visitar a Comisión Europea, o Parlamento Europeo, o Comité das Rexións (CdR) e o Comité Económico e Social Europeo (CESE) co obxectivo de coñecer de primeira man o funcionamento das institucións europeas.

 

A Fundación Galicia Europa convocou a finais de xuño este programa destinado á formación de 25 persoas na súa oficina de Bruxelas entre os días 22 e 25 de setembro. Máis de 70 profesionais presentaron as súas candidaturas

Finalmente, 25 técnicos de entidades públicas e privadas galegas participantes neste programa de especialización, onde estiveron representantes da Xunta de Galicia, Cámaras de Comercio, Consorcio Zona Franca de Vigo, Abanca e as deputacións de Lugo e Coruña. O Centro Tecnolóxico de Automoción de Galicia (CTAG), os concellos de Lugo, Santiago de Compostela, Ribadavia e Ourense, SOGAMA, as dúas Agrupacións Europeas de Cooperación Territorial (AECT) que existen en Galicia (Galicia-Norte de Portugal e Chaves-Verín), a Asociación de Desenvolvemento Rural da MAIV - Baixo Miño, a Confederación Galega de Persoas con Discapacidade (COGAMI), a Federación Galega de Dano Cerebral (Fegadace), e dous centros de FP galegos.