O xoves 22 de outubro, tivo lugar nas instalacións do Ceida no Castelo de Santa Cruz (Oleiros) o Foro "A perspectiva local na xestión do medio ambiente e dos espazos naturais" organizado polo Centro de Extensión Universitaria de Devulgación Ambiental e da Deputación da Coruña.
Un interesante encontro onde se deu a coñecer o que se está a facer nos distintos concellos e provincias, onde existen exemplos de boas prácticas na xestión ambiental desenvolvidas tanto polas administracións, entidades sen ánimo de lucro, empresas, etc. Tamén participaron no mesmo o presidente da Rede Galega de Grupos de Desenvolvemento Rural, Santiso Miramontes, e o vicepresidente do Grupo de Acción Costeira Golfo Ártabro, que suliñaron como dende as entidades estamos a colaborar coa xestión sostible dos territorios.